മഞ്ചേരി: അരീക്കോട് കല്ലരട്ടിക്കല്‍ വയോജന കൂട്ടായ്മയായ കൈത്താങ്ങിന്റെ നേതൃത്വത്തില്‍ ഒക്ടോബര്‍ ഒന്നിനു പ്രദേശത്തെ വയോജനങ്ങള്‍ക്കൊരു ഉല്ലാസ യാത്രയെന്നോണം വയനാട് സന്ദര്‍ശിക്കും. വാര്‍ധക്യ കാലത്ത് സമാധാനവും സന്തോഷവും സുരക്ഷിതത്വ ബോധവും ഉറപ്പുവരുത്തുകയെന്നതാണ് യാത്രയുടെ ലക്ഷ്യം. രാവിലെ ഏഴിന് മൈനോറിറ്റി ആന്‍ഡ് ഫിനാന്‍സ് കോര്‍പ്പറേഷന്‍സ് ഡയറക്ടര്‍ കെ.ടി അബ്ദുറഹ്മാന്‍ ഫ്‌ളാഗ്ഓഫ് ചെയ്യും. വയനാട് ഗവ . വൃദ്ധസദനം ഒരുക്കുന്ന സ്‌നേഹ സംഗമത്തില്‍ വയോജനങ്ങള്‍ അതിഥികളാവും. വയനാട് ജില്ലാ കലക്ടര്‍ ബി.എസ് തിരുമേനി, ആര്‍.ഡി.ഒ സാംമ്പശിവറാവു, ഹംസ കടവന്‍, റൈഹാന ബഷീര്‍ ,ആശാദേവി, എന്‍.കെ ഷൗക്കത്തലി തുടങ്ങിയവര്‍ പങ്കെടുക്കും.