മലപ്പുറം: കോളജ് യൂനിയന്റെ നേതൃത്വത്തില്‍ മലപ്പുറം ഗവ. വനിതാ കോളജിന്റെ ഒന്നാംവാര്‍ഷികം ആഘോഷിച്ചു. ബിഎ ഇംഗ്ലീഷ്, ഇസ്‌ലാമിക് ഹിസ്റ്ററി, ബിഎസ്‌സി കെമിസ്ട്രി, ബോട്ടണി കോഴ്‌സുകളിലായി മുന്നൂറോളം വിദ്യാര്‍ഥിനികള്‍ അധ്യയനം നടത്തുന്നുണ്ട്. കോളജിലേക്കു വന്ന ഓരോ വിദ്യാര്‍ഥിനിയും പിറന്നാള്‍ സമ്മാനമായി കോളജിന് ഓരോ പുസ്തകം നല്‍കിയാണ് ആഘോഷിച്ചത്. ഓരോ വിദ്യാര്‍ഥിനിയും ഓരോ പുസ്തകം എന്ന പദ്ധതി കാലിക്കറ്റ് സിന്‍ഡിക്കേറ്റംഗം ഡോ. ടി.പി അഹമ്മദ് ഉദ്ഘാടനം ചെയ്തു. കോളജ് യൂണിയന്‍ ചെയര്‍പേഴ്‌സന്‍ എം.എ അപര്‍ണ അധ്യക്ഷയായി. പ്രിന്‍സിപ്പള്‍ ഡോ.സൈനുല്‍ ആബിദ് കോട്ട, ഉമര്‍ കുറുങ്ങോടന്‍, പി. നഷ്മ, കെ.ഫൗസിയ, കെ.സബീന, കെ.മുസ്തഫ, സുല്‍ത്താന അഫ്രോസ സംസാരിച്ചു.