കോഴിക്കോട്: എസ്.കെ.എസ്.എസ്.എഫ് ദഅ്‌വാ വിഭാഗമായ ഇബാദിന്റെ  ഇന്‍ഫര്‍മേഷന്‍ സെന്റര്‍ ഉദ്ഘാടനം ഒക്ടോബര്‍ രണ്ടിന് പൊന്നാനിയില്‍ നടക്കും. സംസ്‌കരണ പ്രവര്‍ത്തനങ്ങള്‍ക്കും അനുബന്ധ പദ്ധതികള്‍ക്കും സാങ്കേതിക സഹായവും സേവനങ്ങളും നിര്‍വഹിക്കുന്ന സെന്റര്‍ പൊന്നാനി വലിയപള്ളിക്ക് സമീപം സ്വന്തം സ്ഥലത്താണ് ഒരുക്കിയിട്ടുള്ളത്.
ലൈബ്രറി, ഓഫിസ്, കൗണ്‍സലിങ് സെന്റര്‍, ഹെല്‍പ് ഡെസ്‌ക് തുടങ്ങിയവയും സെന്ററില്‍ പ്രവര്‍ത്തിക്കും. വൈകിട്ട് നാലിന് ഇബാദ് ചെയര്‍മാന്‍ പാണക്കാട് സയ്യിദ് അബ്ബാസലി ശിഹാബ് തങ്ങള്‍ ഉദ്ഘാടനം നിര്‍വഹിക്കും. എം.എം.മുഹ്‌യിദ്ദീന്‍ മുസ്‌ലിയാര്‍ ആലുവ പ്രാര്‍ഥനക്ക് നേതൃത്വം നല്‍കും.  
ഇബാദ് സംസ്ഥാന കമ്മിറ്റിയുടെ മേല്‍നോട്ടത്തിലാണ് സെന്റര്‍ പ്രവര്‍ത്തിക്കുക. സ്റ്റേറ്റ് ലീഡേഴ്‌സ് സമ്മിറ്റ് കാലത്ത് 10 മുതല്‍ റൗബ റസിഡന്‍സിയില്‍ നടക്കും. എസ്.കെ.എസ്.എസ്.എഫ് സംസ്ഥാന പ്രസിഡന്റ് പാണക്കാട് സയ്യിദ് ഹമീദലി ശിഹാബ് തങ്ങള്‍ ഉദ്ഘാടനം ചെയ്യും.