പെരിന്തല്‍മണ്ണ: സര്‍വീസ് സഹകരണ ബാങ്ക് പ്രസിഡന്റ് തെരഞ്ഞെടുപ്പില്‍ ഔദ്യോഗിക സ്ഥാനാര്‍ഥിക്ക് തോല്‍വി. മുന്‍ പ്രസിഡന്റ് പച്ചീരി ഫാറൂഖ് രാജിവെച്ച ഒഴിവിലേക്ക് നടന്ന തെരഞ്ഞെടുപ്പിലാണ് ഔദ്യോഗിക സ്ഥാനാര്‍ഥി പി. ബഷീറിനെതിരെ എം.കെ ഖാലിദ് വിജയിച്ചത്. 11 അംഗങ്ങളുള്ള ബോര്‍ഡില്‍ നാല് കോണ്‍ഗ്രസ് അംഗങ്ങളടക്കം ആറുപേര്‍ എം.കെ ഖാലിദിനെ അനുകൂലിച്ചു. അഞ്ചുപേരാണ് പി.ബഷീറിനെ പിന്തുണച്ചത്. കഴിഞ്ഞദിവസം ചേര്‍ന്ന മുനിസിപ്പല്‍ ലീഗ് വര്‍ക്കിങ് കമ്മിറ്റി യോഗത്തില്‍ ബഷീറിനെ പ്രസിഡന്റാക്കണമെന്നായിരുന്നു ഭൂരിപക്ഷം പേരുടെയും ആവശ്യം.