വളാഞ്ചേരി: സ്വകാര്യബസും ബൈക്കും കൂട്ടിയിടിച്ച് യുവാവിന് പരുക്കേറ്റു. തിരുവേഗപ്പുറ പുത്തന്‍പീടിയേക്കല്‍ ഉണ്ണീന്‍കുട്ടി(28)ക്കാണ് പരുക്കേറ്റത്.
ഇന്നലെ ഉച്ചക്ക് രണ്ടോടെ വളാഞ്ചേരി-പട്ടാമ്പി റോഡില്‍ കോട്ടപ്പുറം പാടത്തിന് സമീപമാണ് അപകടം നടന്നത്. വളാഞ്ചേരിയില്‍ നിന്നു തിരുവേഗപ്പുറയിലേക്ക് പോകുകയായിരുന്ന ബൈക്കില്‍ എതിരേ വരികയായിരുന്ന ബസ് ഇടിക്കുകയായിരുന്നു. ഇടിയുടെ അഘാതത്തില്‍ ബൈക്ക് യാത്രികന്‍ റോഡിലേക്ക് തെറിച്ച് വീണതായി ദൃക്‌സാക്ഷികള്‍ പറഞ്ഞു. ഗുരുതരപരുക്കേറ്റ ഉണ്ണീന്‍ കുട്ടിയെ പെരിന്തല്‍മണ്ണയിലെ സ്വകാര്യ ആശുപത്രിയില്‍ പ്രവേശിപ്പിച്ചു