ചങ്ങരംകുളം: നിയന്ത്രണം വിട്ട കാര്‍ ഇലക്ട്രിക് പോസ്റ്റിലിടിച്ചു. യാത്രക്കാര്‍ നിസാര പരുക്കുകളോടെ രക്ഷപ്പെട്ടു. ഇന്നലെ രാത്രി എട്ടോടെ കോഴിക്കോട്-തൃശൂര്‍ സംസ്ഥാന പാതയില്‍ ചങ്ങരംകുളം സബീന റോഡിനു സമീപത്താണ് അപകടം നടന്നത്. ചങ്ങരംകുളം നരണിപ്പുഴയിലെ ബന്ധുവീട്ടിലേക്കു പോകുകയായിരുന്ന പടിഞ്ഞാറങ്ങാടി സ്വദേശികളായ കുടുംബം സഞ്ചരിച്ച കാറാണ് അപകടത്തില്‍പ്പെട്ടത്.
ഇടിയുടെ ആഘാതത്തില്‍ പോസ്റ്റ് മുറിഞ്ഞ് റോഡിലേക്കു വീണു. പോസ്റ്റ് റോഡില്‍ വീണതോടെ സംസ്ഥാന പാതയില്‍ ഏറെ നേരം ഗതാഗതം തടസപ്പെട്ടു. നാട്ടുകാരും പൊലിസും ചേര്‍ന്നു പോസ്റ്റ് നീക്കം ചെയ്തു ഗതാഗതം പുനസ്ഥാപിച്ചു. നിസാര പരിക്കുകളോടെ പടിഞ്ഞാറങ്ങാടി സ്വദേശികളായ യാത്രക്കാര്‍ ചങ്ങരംകുളം സ്വകാര്യ ആശുപത്രിയില്‍ ചികില്‍സ തേടി.