തേഞ്ഞിപ്പലം: കാലിക്കറ്റ് സര്‍വകലാശാലാ സി.എച്ച് മുഹമ്മദ് കോയ ചെയറിന്റെ ആഭിമുഖ്യത്തില്‍ സ്മൃതിസദസ്സ് സംഘടിപ്പിച്ചു. സി.എച്ച് മുഹമ്മദ് കോയയുടെ ജീവിതാനുഭവങ്ങള്‍ പങ്കുവച്ചായിരുന്നു സദസ്സ്. അദ്ദേഹത്തോടൊപ്പം സമയം ചെലവഴിച്ചവരുടെ അനുഭവസാക്ഷ്യങ്ങള്‍ കേള്‍വിക്കാര്‍ക്ക് വേറിട്ട അനുഭവമായി. മുസ്‌ലിം ലീഗ് സംസ്ഥാന സെക്രട്ടറി എം.ഐ തങ്ങള്‍ അധ്യക്ഷനായി. മില്‍മ മുന്‍ മാനേജിങ് ഡയരക്ടര്‍ പി.കെ അബ്ദുല്‍ അസീസ്, പി.പി ഉസ്മാന്‍ മാസ്റ്റര്‍, മലയില്‍ അബ്ദുള്ളക്കോയ, പി.വി മുഹമ്മദ് അരീക്കോട്, ഡോ. എ.പി.എ റഹ്മാന്‍, പി.എ റഷീദ്, ടി മുജീബ് റഹ്മാന്‍ സംസാരിച്ചു.