കൊല്ലം: സ്വാശ്രയ വിദ്യാഭ്യാസ രംഗത്തെ അമിത ഫീസ് വര്‍ധന സ്വകാര്യ മാനേജ്‌മെന്റുകളുമായി ഉണ്ടാക്കിയ രഹസ്യ ധാരണയുടെ  അനന്തര ഫലമാണെന്ന് എന്‍.കെ. പ്രേമചന്ദ്രന്‍ എം.പി.
മലബാര്‍ കേന്ദ്രീകരിച്ച് പ്രവര്‍ത്തിക്കുന്ന ചില സ്വാശ്രയ വിദ്യാഭ്യാസ ഏജന്‍സികളുമായി നടത്തിയ ഗൂഢാലോചനയുടെ ഭാഗമാണിത്. സ്വാശ്രയ വിദ്യാഭ്യാസ മേഖലയുടെ ചരിത്രത്തിലെ ഏറ്റവും വലിയ ഫീസ് വര്‍ധനയ്ക്കാണ് സര്‍ക്കാര്‍  അനുമതി നല്‍കിയത്. അമിത ഫീസ് വര്‍ധനയുണ്ടായിട്ടും  സ്വാശ്രയ മെഡിക്കല്‍ കോളജുകളില്‍ ഇപ്പോഴും  വന്‍തോതില്‍  തലവരിപ്പണം വാങ്ങുന്നുണ്ട്. മെഡിക്കല്‍ വിദ്യാഭ്യാസത്തിനുളള സാധാരണക്കാരന്റെ അവകാശം നിഷേധിക്കുന്ന  ഫീസ് വര്‍ധന  പുനപരിശോധിക്കാന്‍ സര്‍ക്കാര്‍ തയ്യാറാകണമെന്നും എം.പി. ആവശ്യപ്പെട്ടു.