തൊടുപുഴ: എസ്.കെ.എസ്.എഫ് ഇടുക്കി ജില്ലാ കമ്മറ്റിയുടെ ആഭിമുഖ്യത്തില്‍ സംഘടിപ്പിക്കുന്ന അഞ്ചാമത് മദ്ഹുറസൂല്‍ കോണ്‍ഫറന്‍സിന്റെയും മഅ്മൂന്‍ ഹുദവിയുടെ പുണ്യ റസൂലിലേയ്ക്കുള്ള പാത പ്രഭാഷണത്തിന്റെയും പ്രഖ്യാപനം നടത്തി. പാണക്കാട് സയ്യിദ് റാജിഅ് അലി ശിഹാബ് തങ്ങള്‍ പ്രഖ്യാപനം നിര്‍വഹിച്ചു. ഡിസംബറില്‍ നബിദിന ദിവസമാണ് (റബീഉല്‍ അവ്വല്‍ 12) കോണ്‍ഫറന്‍സ് നടക്കുന്നത്. പ്രവാചക സന്ദേശങ്ങള്‍ കൈമാറുന്ന മഹാസംഗമം വിജയിപ്പിക്കാനാവശ്യമായ പ്രവര്‍ത്തനങ്ങളുമായി പ്രവാചക സ്‌നേഹികള്‍ കൈകോര്‍ക്കണമെന്ന് തങ്ങള്‍ ആഹ്വാനം ചെയ്തു.
അബ്ദുല്ല തങ്ങള്‍ അല്‍ ഹൈദ്രോസി അധ്യക്ഷത വഹിച്ചു. സമസ്ത കേന്ദ്ര മുശാവറ അംഗം ഹസന്‍ ഫൈസി ഉദ്ഘാടനം ചെയ്തു. സമസ്തയുടേയും കീഴ്ഘടകങ്ങളുടേയും ജില്ലാ നേതാക്കള്‍ പങ്കെടുത്തു. തൊഴിലുറപ്പ് തൊഴിലാളികള്‍
പഞ്ചായത്ത് ഓഫീസ്് ഉപരോധിച്ചു