കോട്ടയം : ദേവജ ദ്വൈവാരികയുടെ പത്താമതു വാര്‍ഷികാഘോഷങ്ങള്‍ തിരുവഞ്ചൂര്‍ രാധാകൃഷ്ണന്‍ എം. എല്‍. എ. ഉദ്ഘാടനം ചെയ്തു.
മികച്ച സഞ്ചാര സാഹിത്യകാരനുള്ള പുരസ്‌കാരം മാധ്യമപ്രവര്‍ത്തകന്‍ രവീന്ദ്രന്‍ എരുമേലിക്ക് ജസ്റ്റീസ് കെ.ടി തോമസ് സമ്മാനിച്ചു. മൂന്നാമത് കെ. പങ്കജാക്ഷിയമ്മ മെമ്മോറിയല്‍ ചെറുകഥാ അവാര്‍ഡ് (5001 രൂപ, മെമെന്റോ, പ്രശസ്തിപത്രം) സുരേഷ് തെക്കീട്ടില്‍ ഏറ്റുവാങ്ങി. അഡ്വ. ജി. രാമന്‍ നായര്‍ അധ്യക്ഷനായിരുന്നു. കവികളുടെ കൂട്ടായ്മയില്‍ പ്രസിദ്ധീകരിച്ച 'കാവ്യാഞ്ജലി' തിരുവഞ്ചൂര്‍ പ്രകാശനം ചെയ്തു. വിവിധ മേഖലകളില്‍ മികവു പുലര്‍ത്തിയ ഡോ. റ്റി.എന്‍. പരമേശ്വരക്കുറുപ്പ്, ഡോ. എന്‍. സി. പ്രസന്നന്‍, ബി. സുജാതന്‍, ജാസ്മിന്‍ ഇക്ബാല്‍, ജഗദീഷ്, എം. പി. പരമേശ്വരന്‍ നായര്‍, സനീഷ് പാലപ്ര, ഉണ്ണിക്കൃഷ്ണന്‍ കാട്ടാമ്പാക്ക് എന്നിവരേയും അമ്പാട്ടു സുകുമാരന്‍ നായര്‍, ശ്രീപാദം ഈശ്വരന്‍ നമ്പൂതിരി, ഡോ. സി. പി. ലീല തുടങ്ങിയവരെ ചടങ്ങില്‍ ആദരിച്ചു. പ്രൊഫ. എന്‍. രഘുദേവ്, ഡോ.ടി. എന്‍. പരമേശ്വരക്കുറുപ്പ്, രവീന്ദ്രന്‍ എരുമേലി സംസാരിച്ചു.