പറവൂര്‍: ബിവറേജസ് കോര്‍പറേഷന്റെ പറവൂരിലെ തെക്കേനാലുവഴിയിലുള്ള ചില്ലറ വില്‍പനശാല കുത്തിതുറന്ന് മോഷണം നടത്തിയ കേസിലെ പ്രതിയെ പറവൂര്‍ പൊലിസ് പിടികൂടി. കോട്ടുവള്ളി കൈതാരം പഴങ്ങാട്ടുവെളി മന്ത്രപീടിക പറമ്പില്‍ മുഹമ്മദ് സഹീര്‍(30)നെയാണു പൊലിസ് അറസ്റ്റ് ചെയ്തത്.
കഴിഞ്ഞ 23ന് വെളുപ്പിന് മദ്യവില്‍പനശാലയുടെ പിന്‍ഭാഗത്തുള്ള ഭിത്തികുത്തിതുരന്നാണു പ്രതി പതിനൊന്ന് മദ്യകുപ്പികള്‍ ഒരു ബാഗിലാക്കി കൊണ്ടു പോകന്നതിനു തയ്യാറാക്കി വച്ചിരുന്നു.സമീപവാസികള്‍ ഒച്ച കേട്ട് എത്തിയതിനെ തുടര്‍ന്ന് ഇയാള്‍ മദ്യകുപ്പികള്‍ ഉപേക്ഷിച്ച് ഓടി രക്ഷപ്പെടുകയായിരുന്നു.
വില്‍പനശാലയിലെ സേഫില്‍ പത്തരലക്ഷം രൂപ ഉണ്ടായിരുന്നെങ്കിലും ഇയാള്‍ ഉള്ളില്‍ കടന്നിരുന്നില്ല. ഓടി രക്ഷപ്പെടുന്നതിനിടയില്‍ സമീപത്തെ ബാര്‍ ഹോട്ടലിന്റെ സി.സി ടി.വി കാമറയില്‍ ഇയാളുടെ ദൃശ്യം പതിഞ്ഞിരുന്നു. ഓട്ടോറിക്ഷ ഓടിക്കുന്ന പ്രതി രണ്ടുപ്രാവശ്യം വിദേശത്തു ജോലിക്കായി പോയിട്ടള്ള ആളാണന്ന് എസ്.ഐ ടി.വി ഷിബു പറഞ്ഞു. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.