കൊല്ലം: കോര്‍പറേഷനിലെ കയ്യാലയ്ക്കല്‍ ഡിവിഷനില്‍ ഒക്ടോബര്‍ 21ന് നടക്കുന്ന ഉപതെരഞ്ഞെടുപ്പില്‍ യു.ഡി.എഫ് സ്ഥാനാര്‍ഥിയായി മുസ്‌ലിം ലീഗിലെ കൊല്ലൂര്‍വിള നാസിമുദീന്‍ മത്സരിക്കും.
മുസ്‌ലിം ലീഗ് കൊല്ലം ജില്ലാ പ്രസിഡന്റ് എ.യൂനുസ്‌കുഞ്ഞ്, ജനറല്‍ സെക്രട്ടറി എം.അന്‍സാറുദീന്‍ എന്നിവര്‍ ഇന്നലെ കൊല്ലം പ്രസ് ക്ലബ്ബില്‍ നടത്തിയ വാര്‍ത്താ സമ്മേളനത്തിലാണ് പ്രഖ്യാപനം നടത്തിയത്.
ലീഗ് ഇരവിപുരം നിയോജക മണ്ഡലം പ്രസിഡന്റ് എ.അബ്ദുല്‍ റഹുമാന്‍, ജനറല്‍ സെക്രട്ടറി എ.ഫസിലുദീന്‍ എന്നിവര്‍ വാര്‍ത്താ സമ്മേളനത്തില്‍ സംബന്ധിച്ചു.സ്ഥാനാര്‍ഥിക്ക് നാമനിര്‍ദേശ പത്രികയോടൊപ്പം കെട്ടിവെക്കാനുള്ള തുക മുസ്‌ലിം യൂത്ത് ലീഗ് ജില്ലാ കമ്മിറ്റി നല്‍കി. ഇന്നലെ വൈകിട്ട് കൊല്ലത്ത് നടന്ന യൂത്ത് ലീഗ് ജില്ലാ സമ്മേളന വേദിയില്‍ പാണക്കാട് സയ്യിദ് മുനവ്വറലി ശിഹാബ് തങ്ങള്‍ കൊല്ലൂര്‍വിള നാസിമുദീന് തുക കൈമാറി. യൂത്ത് ലീഗ് ജില്ലാ പ്രസിഡന്റ് സുല്‍ഫിക്കര്‍ സലാം അധ്യക്ഷനായി.