ശാസ്താംകോട്ട: ശാസ്താംകോട്ട ഗ്രാമപഞ്ചായത്തിനെ സമ്പൂര്‍ണ്ണ വെളിയിട മലമൂത്ര വിസര്‍ജ്ജമുക്തമായ പഞ്ചായത്തായി പ്രഖ്യാപിച്ചു. ഈ നേട്ടം കൈവരിക്കുന്ന കുന്നത്തൂര്‍ താലൂക്കിലെ ആദ്യ പഞ്ചായത്താണ് ശാസ്താംകോട്ട. കക്കൂസ് ഇല്ലാത്ത 227 കുടുംബങ്ങള്‍ക്ക് പദ്ധതിയുടെ ഭാഗമായി കക്കൂസ് നിര്‍മിച്ചു നല്‍കി.
പഞ്ചായത്ത് കോണ്‍ഫറന്‍സ് ഹാളില്‍ നടന്ന ചടങ്ങില്‍ ടി.ആര്‍ ശങ്കരപിള്ള അധ്യക്ഷനായി. ശാസ്താംകോട്ട ബ്ലോക്ക് പഞ്ചായത്ത് പ്രസിഡന്റ് സുമ ഒ.ഡി.എഫ് പ്രഖാപനം നിര്‍വ്വഹിച്ചു. പഞ്ചായത്ത് വൈസ് പ്രസിഡന്റ് ടി.ആര്‍ ബീന, ബ്ലോക്ക് പഞ്ചായത്തംഗം കൃഷ്ണകുമാരി, വാര്‍ഡ് മെമ്പര്‍മാര്‍, ബി.ഡി.ഒ ഗോപാലകൃഷണപിള്ള, പഞ്ചായത്ത് സെക്രട്ടറി പി ജയപ്രകാശ്, റിസോഴ്‌സ് പേഴ്‌സണ്‍ എ.കെ ശങ്കര്‍, വി.ഇ.ഒമാര്‍ തുടങ്ങിയവര്‍ പങ്കെടുത്തു.