കൊടുവള്ളി: പണമിടപാടുമായി ബന്ധപ്പെട്ട തര്‍ക്കത്തെ തുടര്‍ന്ന് ഗൃഹനാഥന്‍ ആത്മഹത്യക്ക് ശ്രമിച്ച സംഭവത്തില്‍ അന്വേഷണം ഊര്‍ജിതമാക്കിയതായി കൊടുവള്ളി പൊലിസ് വ്യക്തമാക്കി. പെരിയാംതോട് രാരോത്ത്ചാലില്‍ ഇസ്മായില്‍ (46) ആണ് ബുധനാഴ്ച്ച പുലര്‍ച്ചയോടെ വീട്ടില്‍ ആത്മഹത്യക്ക് ശ്രമിച്ച് ഗുരുതരമായി പൊള്ളലേറ്റ് കോഴിക്കോട് മെഡിക്കല്‍ കോളജില്‍ ചികിത്സയില്‍ കഴിയുന്നത്.
അന്വേഷണവുമായി ബന്ധപ്പെട്ട് രണ്ടണ്ടാമതും മൊഴിയെടുത്ത പൊലിസ് ഇന്നലെ ഇസ്മായിലിന്റെ വീട്ടില്‍ പരിശോധന നടത്തി. ആത്മഹത്യക്ക് ശ്രമിക്കുന്നതിന് തലേന്ന് ഹവാലപണം ഒറ്റിക്കൊടുത്തെന്ന് ആരോപിച്ച് ഒരു സംഘം ആളുകള്‍ ഇസ്മായിലിനെ വാഹനത്തില്‍ തട്ടിക്കൊണ്ടണ്ടുപോയി ക്രൂരമായി മര്‍ദ്ദിച്ചതായി ബന്ധുക്കള്‍ പറഞ്ഞു.
ഈ സംഘത്തിന് ഹവാല ഇടപാടുകാരുമായി ബന്ധമുണ്ടെണ്ടന്നാണ് ബന്ധുക്കളുടെ ആരോപണം. മര്‍ദ്ദിച്ചും ഭീഷണിപ്പെടുത്തിയും നാലു ലക്ഷത്തോളം രൂപ ഇസ്മായിലില്‍ നിന്നും ഹവാല ഇടപാടുകാര്‍ തട്ടിയെടുത്തതായും ഇതിലുള്ള മനോവിഷമം കൊണ്ടണ്ടാണ് ജീവനൊടുക്കാന്‍ ശ്രമിച്ചതെന്നുമാണ് ബന്ധുക്കള്‍ പറയുന്നത്. അതേസമയം ഹവാല ഇടപാടുകാരുടെ പങ്കിനെക്കുറിച്ച് കൃത്യമായ തെളിവുകള്‍ ലഭിച്ചിട്ടില്ലെന്നും അന്വേഷണം പുരോഗമിക്കുകയാണെന്നും കൊടുവള്ളി എസ്.ഐ കെ.പ്രജീഷ് സുപ്രഭാതത്തോട് പറഞ്ഞു.
ഇസ്മായിലിന്റെ സ്ഥിതി അതീവഗുരുതരമായി തുടരുകയാണ്. ശരീരത്തിന്റെ 80 ശതമാനത്തോളം പൊള്ളലേറ്റതായി ഡോക്ടര്‍മാര്‍ പറഞ്ഞു. കുഴല്‍പ്പണം ഒറ്റിക്കൊടുത്തുവെന്നും പണം അപഹരിച്ചെന്നും ആരോപിച്ച് കൊടുവള്ളി, ഓമശ്ശേരി, പുതുപ്പാടി എന്നിവിടങ്ങളില്‍ ഹവാല മാഫിയകള്‍ നേരത്തേയും യുവാക്കളെ ഭീഷണിപ്പെടുത്തുകയും കര്‍ണ്ണാടകയിലെ ഒറ്റപ്പെട്ട സ്ഥലത്ത് കൊണ്ടണ്ടുപോയി ക്രൂരമായി മര്‍ദിക്കുകയും ചെയ്തിരുന്നു. ഈ സാഹചര്യത്തില്‍ വിശദമായ അന്വേഷണം നടത്തി കുറ്റക്കാര്‍ക്കെതിരേ കര്‍ശന നടപടിയെടുക്കണമെന്ന ആവശ്യം ശക്തമാണ്.