പ്രവര്‍ത്തക
സംഗമങ്ങള്‍ നടത്തും

കുറ്റിക്കാട്ടൂര്‍: ഐ.എസ്, സലഫിസം, ഫാഷിസം എന്ന പ്രമേയത്തില്‍ സുന്നി യുവജന സംഘം സംസ്ഥാന കമ്മിറ്റി ആചരിക്കുന്ന ത്രൈമാസ കാംപയിന്റെ ഭാഗമായി ഒക്ടോബര്‍ ഒമ്പതിന് വൈകിട്ട് 3.30ന് പൂവാട്ടുപറമ്പില്‍ നടക്കുന്ന മണ്ഡലം എസ്.വൈ.എസ് സെമിനാര്‍ വിജയിപ്പിക്കുന്നതിന് പെരുവയല്‍ പഞ്ചായത്തിലെ മുഴുവന്‍ ശാഖകളിലും പ്രത്യേക പ്രവര്‍ത്തക സംഗമങ്ങള്‍ നടത്താന്‍ തീരുമാനിച്ചു. കുറ്റിക്കാട്ടൂര്‍ ടൗണ്‍ ജുമാമസ്ജിദല്‍ നടന്ന പ്രവര്‍ത്തകസംഗമം എസ്.വൈ.എസ് മണ്ഡലം സെക്രട്ടറി കെ.എം.എ റഹ്മാന്‍ ഉദ്ഘാടനം ചെയ്തു. പ്രസിഡന്റ് മുളയത്ത് മുഹമ്മദ് ഹാജി അധ്യക്ഷനായി. കെ.എം കോയ, പി ഖാലിദ് മാസ്റ്റര്‍ കുറ്റിക്കാട്ടൂര്‍, യഅ്ഖൂബ് അഹ്‌സനി, പി അബ്ദുറഹീം ആനക്കുഴിക്കര സംസാരിച്ചു.