കോഴിക്കോട്: എക്‌സൈസ് വകുപ്പ് ഓഗസ്റ്റ്, സെപ്റ്റംബര്‍ മാസങ്ങളിലായി ജില്ലയില്‍ നടത്തിയ റെയ്ഡുകളെ തുടര്‍ന്ന് 241 അബ്കാരി കേസുകള്‍ രജിസ്റ്റര്‍ ചെയ്തതായി ജില്ലാതല ജനകീയ കമ്മിറ്റി യോഗത്തില്‍ റിപ്പോര്‍ട്ട് ചെയ്തു. ഡിവിഷനില്‍ 1104 റെയ്ഡുകളും 24 കമ്പയിന്റ് റെയ്ഡുകളുമാണു നടന്നത്. 15 എന്‍.ഡി.പി.എസ് കേസുകളും 366 കോട്പ ആക്ട് പ്രകാരമുള്ള കേസുകളും രജിസ്റ്റര്‍ ചെയ്തിട്ടുണ്ട്. ഇതില്‍ 196 പ്രതികളെ അറസ്റ്റ് ചെയ്തു. 89.25 ലിറ്റര്‍ ചാരായം, 455.59 ലിറ്റര്‍ ഇന്ത്യന്‍ നിര്‍മിത വിദേശമദ്യം, 433.34 ലിറ്റര്‍ മാഹി വിദേശമദ്യം, 466.5 ലിറ്റര്‍ ഗോവന്‍ നിര്‍മിത മദ്യം, 5599 ലിറ്റര്‍ വാഷ്, 7.985 കി.ഗ്രാം കഞ്ചാവ്, 125 ഗ്രാം കഞ്ചാവ് ലേഹ്യം, 10.4 ബിയര്‍, 18 കി.ഗ്രാം പുകയില ഉല്‍പന്നങ്ങള്‍, 13 വാഹനങ്ങള്‍ എന്നിവയാണ് കാലയളവില്‍ പിടിച്ചെടുത്തത്.