പൊന്നാനി: സ്വകാര്യബസില്‍ യാത്രചെയ്യവെ കോളജ് വിദ്യാര്‍ഥിനിയെ പീഡിപ്പിക്കാന്‍ ശ്രമിച്ച എട്ടാംക്ലാസുകാരന് പെണ്‍കുട്ടിയുടെ വക തല്ല്. കഴിഞ്ഞ ദിവസമാണു സംഭവം.
പൊന്നാനിയില്‍ എം.ഇ.എസ് കോളജില്‍ ഡിഗ്രിക്കു പഠിക്കുന്ന വിദ്യാര്‍ഥിനിയെയാണ് എട്ടാംക്ലാസുകാരന്‍ ശരീരത്തില്‍ കടന്നുപിടിക്കാന്‍ ശ്രമിച്ചത്. സഹികെട്ട വിദ്യാര്‍ഥിനി അനിയന്റെ പ്രായമുള്ള ശല്യക്കാരനെ കവിളത്തു നാലു പൊട്ടിച്ചു. പൊന്നാനിയിലെ പ്രശസ്തമായ ഹൈസ്‌കൂളിലെ എട്ടാം ക്ലാസുകാരനായിരുന്നു ശല്യക്കാരന്‍.
യാത്രക്കാര്‍ക്കും ബസ് ജീവനക്കാര്‍ക്കും ആദ്യം കാര്യമൊന്നും മനസിലായില്ല. പെണ്‍കുട്ടി ഇത്തരത്തില്‍ പ്രതികരിച്ചതോടെ ആണ്‍കുട്ടികള്‍ മുഖം താഴ്ത്തി ഇറങ്ങിപ്പോയി. പെണ്‍കുട്ടി പൊലിസില്‍ പരാതിപ്പെട്ടില്ല.