മഞ്ചേരി: കാടുമൂടി കിടന്നിരുന്ന കിണറിലേക്കു വീണ ഗര്‍ഭിണിയായ പശുവിനെ മഞ്ചേരി അഗ്നിശമനസേന രക്ഷപ്പെടുത്തി. മഞ്ചേരി 22 ാം മയിലില്‍ ചേരുകുഴി കല്യാണിയുടെ ഉടമസ്ഥതയിലുള്ള പശുവിനെയാണു സേന രക്ഷപ്പെടുത്തിയത്. ഇന്നലെ രാവിലെ 10.30നാണു പശു ഇവരുടെ തൊടിയില്‍ മേയുന്നതിനിടെ കിണറിലേക്കു വീണത്.
വെള്ളം ഉണ്ടായിരുന്ന കിണറായിരുന്നതിനാല്‍ പശുവിനു കൂടുതല്‍ പരുക്കുകള്‍ സംഭവിച്ചിട്ടില്ല . അസിസ്റ്റന്റ് സ്റ്റേഷന്‍ ഓഫിസര്‍ പി.ടി ഉമ്മറിന്റെ നേതൃത്വത്തില്‍ അബ്ദുല്‍കരീം, മുഹമ്മദ്കുട്ടി, രഘുനാഥ് മുഹമ്മദ്ഷമീം എന്നിവരാണ് രക്ഷപ്പെടുത്തിയത്.