പാപ്പിനിശ്ശേരി: പിലാത്തറ-പാപ്പിനിശ്ശേരി കെ.എസ്.ടി.പി റോഡിന്റെ നിര്‍മാണം 52 ശതമാനം പൂര്‍ത്തീകരിച്ചിട്ടുണ്ടെന്നും പാപ്പിനിശ്ശേരി റെയില്‍വേ മേല്‍പാലത്തിന്റെ രണ്ട് സ്പാന്‍ കൂടി നിര്‍മാണം പൂര്‍ത്തീകരിക്കാനുണ്ടെന്നും പൊതുമരാമത്ത് മന്ത്രി ജി സുധാകരന്‍. നിയമസഭയില്‍ ടി.വി രാജേഷ് എം.എല്‍.എ ഉന്നയിച്ച ചോദ്യത്തിന് മറുപടി നല്‍കുകയായിരുന്നു മന്ത്രി. പാപ്പിനിശ്ശേരി മേല്‍പാലത്തിന്റെ 22 സ്പാനാണ് കെ.എസ്.ടി.പി ചെയ്യുന്നത്. നടുവിലെ സ്പാനിന്റെ നിര്‍മാണം റെയില്‍വേയാണ് നടത്തുന്നത്. താവം റെയില്‍വേ മേല്‍പാലത്തിന്റെ മൂന്ന് പിയര്‍ ക്യാപ്പുകള്‍ പൂര്‍ത്തീകരിച്ചു കഴിഞ്ഞു. അധിക സ്പാന്‍ നിര്‍മാണം പുരോഗമിക്കുകയാണ്. അതില്‍ 36 പൈലുകളില്‍ 22 എണ്ണം പൂര്‍ത്തികരിച്ചു. ്ര്രപവൃത്തികള്‍ മാര്‍ച്ച് 31 നകം പൂര്‍ത്തികരിക്കാനാകുമെന്നും മന്ത്രി മറുപടി നല്‍കി.