പയ്യന്നൂര്‍: നഗരസഭയുടെ നേതൃത്വത്തില്‍ കാനായില്‍ പ്രവര്‍ത്തിക്കുന്ന പകല്‍ വീട്ടിലെ അന്തേവാസികള്‍ക്ക് പച്ചക്കറി തോട്ടമൊരുക്കി നല്‍കി വിദ്യാര്‍ഥികള്‍ മാതൃകയായി. എന്‍.എസ്.എസ് ദിനാചരണത്തിന്റെ ഭാഗമായി തായിനേരി എസ്.എ.ബി.ടി.എം സ്‌കൂള്‍ വളന്റിയര്‍മാരാണ് പച്ചക്കറി തോട്ടം ഒരുക്കി നല്‍കിയത്. വിദ്യാര്‍ഥികള്‍ ഒരുക്കി നല്‍കിയ തോട്ടത്തില്‍ വിവിധ പച്ചക്കറി വിത്തകളും നട്ടു. നഗരസഭ ചെയര്‍മാന്‍ ശശി വട്ടക്കൊവ്വല്‍ ഉദ്ഘാടനം ചെയ്തു. സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ പി ലീല അധ്യക്ഷയായി. വി.പി സതീശന്‍, കേബീയാര്‍ കണ്ണന്‍, കെ.വി രാഘവന്‍, പി.സി അബൂബക്കര്‍ സിദ്ദിഖ്, കെ സതീശന്‍, ടി റമീസ്, ഹാഫിസ് അസ്‌ലം എന്നിവര്‍ സംസാരിച്ചു.