കല്‍പ്പറ്റ: കെ.പി.എസ്.ടി.എ യൂത്ത്‌ഫോറം സംസ്ഥാന ക്യാംപ് ഒക്‌ടോബര്‍ ഒന്ന്, രണ്ട് തിയതികളില്‍ ബത്തേരി ഡയറ്റ് ഹാളില്‍ നടക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. ഒന്നിന് രാവിലെ 11ന് ക്യാംപ് കെ.പി.സി.സി ജനറല്‍ സെക്രട്ടറി പി.സി വിഷ്ണുനാഥ് ഉദ്ഘാടനം ചെയ്യും.
 എം സലാഹുദ്ദീന്‍, സുധാകരന്‍ കണ്ണൂര്‍, ജോസ് പള്ളത്ത്, മാത്യൂസ് വൈത്തിരി, കെ.എ തോമസ് എന്നിവര്‍ ക്ലാസുകള്‍ നയിക്കും. സംഘടനാ ചര്‍ച്ച, പ്രവര്‍ത്തന രൂപരേഖ അവതരണം എന്നിവയും രണ്ട് ദിവസങ്ങളിലായി നടക്കുന്ന ക്യാംപില്‍ നടക്കും. സമാപനസമ്മേളനം ഒക്‌ടോബര്‍ രണ്ടിന് ഐ.സി ബാലകൃഷ്ണന്‍ എം.എല്‍.എ ഉദ്ഘാടനം ചെയ്യും.