വടക്കാഞ്ചേരി: ജീവകാരുണ്യ പ്രവര്‍ത്തനങ്ങളുടെ നിരയൊരുക്കി വടക്കാഞ്ചേരി ലയണ്‍സ് ക്ലബ് പ്രവര്‍ത്തനം സജീവം. ക്ലബിന്റെ വിവിധ പ്രവര്‍ത്തനങ്ങളുടെ ഭാഗമായി ലയണ്‍സ് ഡിസ്ട്രിക് ഗവര്‍ണര്‍ വടക്കാഞ്ചേരിയില്‍ സന്ദര്‍ശനം നടത്തി. ലയണ്‍സ് ഹാളില്‍ നടന്ന ചടങ്ങില്‍ വെച്ച് പെന്‍ഷന്‍ വിതരണ പദ്ധതിയുടെ ഭാഗമായി മുന്‍കാല മാധ്യമ പ്രവര്‍ത്തകന്‍ കെ.എസ് നായര്‍ക്ക് പെന്‍ഷന്‍ തുക കൈമാറി. ഇതോടെ ക്ലബ് പ്രതിമാസ പെന്‍ഷന്‍ നല്‍കുന്നവരുടെ എണ്ണം അഞ്ചായി.
മാരാത്ത്കുന്ന് അകമലയിലെ നിര്‍ധന കുടുംബത്തിന്റെ വീട് വയറിങ് ചെയ്യുന്നതിനുള്ള തുക വിതരണം ചെയ്തു.
ഇവര്‍ക്ക് സംസ്ഥാന സര്‍ക്കാരിന്റെ സമ്പൂര്‍ണ വൈദ്യുതീകരണ പദ്ധതിയില്‍ ഉള്‍പ്പെടുത്തി വൈദ്യുതി ഉറപ്പാക്കും. പ്രസിഡന്റ് സുഭാഷ് പുഴയ്ക്കല്‍, തോമസ് തരകന്‍, യു.കരുണാകരന്‍, തോമസ് ചിറ്റിലപ്പിള്ളി തുടങ്ങിയവര്‍ നേതൃത്വം നല്‍കി.