ന്യൂഡല്‍ഹി: രണ്ടര വര്‍ഷമായി മോദി ഇന്ത്യന്‍ പ്രധാനമന്ത്രിയായിട്ട്. ഇത്രയും നാളില്‍ ആദ്യമായാണ് അദ്ദേഹത്തില്‍ നിന്നും ആ പദവിക്ക് അനുയോജ്യമായ നടപടി ഉണ്ടാകുന്നതെന്ന് കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധി. ഭീകരയ്‌ക്കെതിരായ ഈ പോരാട്ടത്തില്‍ തീര്‍ച്ചയായും അദ്ദേഹത്തിന് എന്റെ പൂര്‍ണ പിന്തുണയുണ്ട്. ഭീകരയ്‌ക്കെതിരായ പോരാട്ടത്തില്‍ പ്രധാനമന്ത്രിക്കൊപ്പം കോണ്‍ഗ്രസ് പാര്‍ട്ടിയും ഈ രാജ്യം മുഴുവനും അദ്ദേഹത്തോട് ചേര്‍ന്നുനില്‍ക്കുമെന്നും രാഹുല്‍ ഗാന്ധി പറഞ്ഞു.

ഉറി ആക്രമണത്തിന് നിയന്ത്രണരേഖ മറികടന്ന് ഇന്ത്യ നല്‍കിയ തിരിച്ചടിയേ കുറിച്ച് പ്രതികരിക്കുമ്പോഴായിരുന്നു രാഹുലിന്റെ പരാമര്‍ശം. ഇന്ത്യന്‍ തിരിച്ചടിക്ക് പിന്തുണ പ്രഖ്യാപിച്ച് കോണ്‍ഗ്രസ് അധ്യക്ഷ സോണിയ ഗാന്ധി നേരത്തെ രംഗത്തെത്തിയിരുന്നു.