കല്‍പ്പറ്റ: സാമൂഹ്യ നീതി വകുപ്പിന്റെയും സാമൂഹ്യസുരക്ഷാമിഷന്റെയും സംയുക്താഭിമുഖ്യത്തില്‍ ലോകവയോജന ദിനാചരണം 'വളരുന്ന കേരളം വളര്‍ത്തിയവര്‍ക്ക് ആദരം' ഇന്ന് രാവിലെ ഒന്‍പത് മുതല്‍ വൈകിട്ട് അഞ്ചുവരെ കല്‍പ്പറ്റ നഗരസഭാ ടൗണ്‍ഹാളില്‍ നടക്കും. ജില്ലാ പഞ്ചായത്ത് പ്രസിഡന്റ് ടി ഉഷാകുമാരി ഉദ്ഘാടനം ചെയ്യും. നഗരസഭാ ചെയര്‍പേഴ്‌സണ്‍ ബിന്ദു ജോസ് അധ്യക്ഷയാകും. ചടങ്ങില്‍ ബ്ലോക്ക് പഞ്ചായത്ത് പ്രസിഡന്റ് ശകുന്തള ഷണ്‍മുഖന്‍ മുതിര്‍ന്ന പൗരന്‍മാരെ ആദരിക്കും. കല്‍പ്പറ്റ നഗരസഭാ വൈസ് ചെയര്‍മാന്‍ എ.പി ഹമീദ്, ജില്ലാ പഞ്ചായത്ത് ക്ഷേമകാര്യ സ്ഥിരം സമിതി അധ്യക്ഷ അനില തോമസ്, നഗരസഭാ ക്ഷേമകാര്യം സ്ഥിരം സമിതി അധ്യക്ഷന്‍ പി.പി ആലി, സംസ്ഥാന വയോജന കൗണ്‍സില്‍ ഉപദേശക സമിതി അംഗം എ.പി വാസുദേവന്‍ നായര്‍, സെക്രട്ടറി കേശവന്‍ നായര്‍, സെക്രട്ടറി അപ്പുട്ടി, ജില്ലാ മെഡിക്കല്‍ ഓഫീസര്‍ ഡോ. ആശാദേവി, ഡോ. ട്രീസ സെബാസ്റ്റ്യന്‍ ഇ.മൊയ്തു, എബിന്‍ ജോസഫ്, ജില്ലാ സാമൂഹ്യനീതി ഓഫീസര്‍ അബ്ദുള്‍ കരീം എന്നിവര്‍ സംസാരിക്കും.  ഉച്ചയ്ക്ക് രണ്ടിന് 'വയോജനങ്ങളും ആരോഗ്യവും' എന്ന വിഷയത്തില്‍ ഫാ. മാത്യു ചാലില്‍ ക്ലാസ്സെടുക്കും.