സുല്‍ത്താന്‍ ബത്തേരി: ഒരു വിശ്വാസിയെ സംബന്ധിച്ചെടുത്തോളം ഏതൊരു അറിവും അവന്‍ ശ്വസിക്കുന്ന വായുവിന് തുല്യമായിരിക്കുമെന്നും അറിവിനെ അത്തരത്തില്‍ കാണുന്നവനാണ് ഒരു യഥാര്‍ഥ വിശ്വാസിയെന്നും സമസ്ത ജില്ലാ പ്രസിഡന്റ് കെ.ടി ഹംസ മുസ്‌ലിയാര്‍. സുല്‍ത്താന്‍ ബത്തേരി ദാറുല്‍ ഉലൂം അറബിക് കോളജിന്റെ വിദ്യാര്‍ഥി സംഘടനയായ സീനത്തുല്‍ ത്വലബ സ്റ്റുഡന്‍സ് അസോസിയേഷന്‍ സംഘടിപ്പിക്കുന്ന ഫെസ്റ്റീവ് 2016 ല്‍ സംസാരിക്കുകയായിരുന്നു അദ്ദേഹം. ഫെസ്റ്റീവ് 2016 ഡബ്ല്യു.എം.ഒ ജനറല്‍ സെക്രട്ടറി എം.എ മുഹമ്മദ് ജമാല്‍ ഉദ്ഘാടനം ചെയ്തു. ഡബ്ല്യു.എം.ഒ പ്രസിഡന്റ് അഹമ്മദ് ഹാജി, കോളജ് വൈസ് പ്രന്‍സിപ്പല്‍ ഇ. അബൂബക്കര്‍ ഫൈസി മണിച്ചിറ, കക്കോടന്‍ മുസ്തഫ ഹാജി, കക്കോടന്‍ അഹമ്മദ് ഹാജി, പി.പി അയൂബ്, കോണിക്കല്‍ ഖാദര്‍, കക്കോടന്‍ ഇബ്രാഹീം, ഹംസ ഹാജി, പട്ടാബി അബ്ദുല്‍ഖാദര്‍, റസാഖ് മാസ്റ്റര്‍ സംസാരിച്ചു. ഫെസ്റ്റീവ് ഒക്ടോബര്‍ രണ്ടിന് വൈകിട്ട് നടക്കുന്ന സാംസ്‌കാരിക സമ്മേളനത്തോടെ സമാപിക്കും.