പുത്തന്‍ചിറ: വെള്ളാങ്കല്ലൂര്‍ ഗ്രാമപഞ്ചായത്തിലെ ബ്ലോക്ക് ജങ്ഷനില്‍ അപകടങ്ങള്‍ക്ക് വഴിയൊരുക്കുന്ന നിലയില്‍ കട്ടൗട്ട് സ്ഥാപിച്ചതായി ആക്ഷേപം. പുത്തന്‍ചിറ,പട്ടേപ്പാടം ഭാഗത്ത് നിന്ന് വരുന്ന വാഹനങ്ങളിലെ ഡ്രൈവര്‍മാര്‍ക്ക് ഇരിങ്ങാലക്കുട ഹൈവേയിലൂടെ വരുന്ന വാഹനങ്ങള്‍ കാണാന്‍ പറ്റാത്ത നിലയില്‍ ജങ്ഷനിലെ വളവിലുള്ള ഇലക്ട്രിക് പോസ്റ്റില്‍ ചാരിവച്ചിരിക്കുന്ന കട്ടൗട്ടാണ് അപകടങ്ങള്‍ ക്ഷണിച്ച് വരുത്തുന്ന നിലയില്‍ വച്ചിരിക്കുന്നത്. നിരവധി അപകടങ്ങള്‍ സംഭവിച്ചിട്ടുള്ള വെള്ളാങ്കല്ലൂര്‍ ബ്ലോക്ക് ജങ്ഷനില്‍ അപകടങ്ങള്‍ക്ക് കാരണമാകുന്ന നിലയില്‍ സ്ഥാപിച്ചിരിക്കുന്ന കട്ടൗട്ട് ഉടന്‍ എടുത്ത് മാറ്റാന്‍ അധികൃതര്‍ നടപടി സ്വീകരിക്കണമെന്നാണ് നാട്ടുകാര്‍ ആവശ്യപ്പെട്ടു