കോഴിക്കോട്: എന്‍.ജി.ഒ അസോസിയേഷന്‍ ജില്ലാ സമ്മേളനത്തിന്റെ ഭാഗമായി നടന്ന യാത്രയയപ്പ്-സമാപന സമ്മേളനം കെ.പി.സി.സി ജനറല്‍ സെക്രട്ടറി അഡ്വ. പി.എം സുരേഷ്ബാബു ഉദ്ഘാടനം ചെയ്തു. ജില്ലാ വൈസ് പ്രസിഡന്റ് സിജു കെ. നായര്‍ അധ്യക്ഷനായി. സംസ്ഥാന വൈസ് പ്രസിഡന്റ് സി. പ്രേമവല്ലി, ജില്ലാ പ്രസിഡന്റ് എം.എ ഖാദര്‍, എന്‍. ശ്യാംകുമാര്‍, എന്‍.പി ബാലകൃഷ്ണന്‍, പി.കെ അരവിന്ദന്‍, സബാസ്റ്റ്യന്‍ ജോണ്‍, ശശികുമാര്‍, എന്‍.ടി ജിതേഷ്, പി. ബിന്ദു സംസാരിച്ചു.
കെ.സി രാജീവന്‍, ടി. സുഭാഷ് കുമാര്‍, കെ.പി പ്രദീപ് എന്നിവര്‍ക്ക് യാത്രയയപ്പ് നല്‍കി. പത്താം ശമ്പള കമ്മിഷന്‍ റിപ്പോര്‍ട്ടില്‍ നിര്‍ദേശിച്ച ജീവനക്കാരുടെ ആരോഗ്യ ഇന്‍ഷുറന്‍സ് പദ്ധതി ഉടന്‍ നടപ്പിലാക്കണമെന്ന് സമ്മേളനം സര്‍ക്കാരിനോട് ആവശ്യപ്പെട്ടു. സ്ഥലം മാറ്റങ്ങള്‍ ആത്മഹത്യയിലേക്ക് നയിക്കുന്ന സാഹചര്യമുണ്ടായതിനാല്‍ മുഴുവന്‍ അന്യായ സ്ഥലം മാറ്റങ്ങളും റദ്ദാക്കണമെന്നും സര്‍ക്കാരിനോട് ആവശ്യപ്പെട്ടു.