കോഴിക്കോട്: ജില്ലയെ വയോജന സൗഹൃദമാക്കുന്നതിന്റെ ഭാഗമായി സന്ദേശ പ്രചാരണത്തിന് തുടക്കമായി .കോഴിക്കോട് മൊഫ്യൂസില്‍ ബസ്സ്റ്റാന്‍ഡില്‍ നടന്ന ചടങ്ങില്‍ ജില്ലാ കലക്ടര്‍ എന്‍.പ്രശാന്ത്, 'മ്മടെ കോഴിക്കോട് വയോജന സൗഹൃദത്തിലേക്ക് എന്ന സന്ദേശം ഉള്‍ക്കൊള്ളുന്ന സ്റ്റിക്കറുകള്‍ പതിച്ചുകൊണ്ട് ഉദ്ഘാടനം ചെയ്തു. ജില്ലാ പഞ്ചായത്ത് പ്രസിഡന്റ് ബാബു പറശ്ശേരി ഫ്‌ളാഗ് ഓഫ് ചെയ്തു. കസബ സി.ഐ. പി.പ്രമോദ്, ജില്ലാ സാമൂഹ്യനീതി ഓഫിസര്‍ ടി.പി.സാറാമ്മ, നഗരസഭാ കൗണ്‍സിലര്‍ അഡ്വ.പി.കെ.സീനത്ത്, സാമൂഹ്യസുരക്ഷാ മിഷന്‍ പ്രോഗ്രാം കോ-ഓഡിനേറ്റര്‍ പി.പി. ഫൈസല്‍, കോ-ഓഡിനേറ്റര്‍ സന്ധ്യഹരീഷ്, റോട്ടറി ക്ലബ് കാലിക്കറ്റ് സിറ്റി പ്രസിഡന്റ് കെ. മണികണ്ഠന്‍, സാമൂഹ്യ സുരക്ഷാ മിഷന്‍ എസ്.ഐ.ടി. കോ-ഓഡിനേറ്റര്‍ ജിഷാ ജെയിംസ് എന്നിവര്‍ പങ്കെടുത്തു.