പേരാമ്പ്ര: ഗള്‍ഫില്‍ നിന്നു വന്ന മകളുടെ പാസ്‌പോര്‍ട്ട് ശരിയാക്കുന്നതിനു ഓണ്‍ലൈന്‍വഴി ഫീസ് അടച്ചയാള്‍ക്ക് ലഭിച്ചത് മറ്റൊരാളുടെ പാസ്‌പോര്‍ട്ട്.
പേരാമ്പ്ര മരുതോറ ചാലില്‍ അഫ്‌സലിന്റെ മകള്‍ ഹൈസ മറിയത്തിന്റെ പാസ്‌പോര്‍ട്ടിനു പകരം സ്പീഡ് പോസ്റ്റ് വഴി വന്നത് മാനന്തവാടി സ്വദേശിയായ വാഴയില്‍ നബീലിന്റെ പാസ്‌പോര്‍ട്ട്. കഴിഞ്ഞ 23നാണ് കോഴിക്കോട് പാസ്‌പോര്‍ട്ട് ഓഫിസില്‍ അപേക്ഷ നല്‍കിയത്.
ഓരോ ഘട്ടവും മനസിലാക്കാന്‍ സന്ദേശം നല്‍കുന്നതിനായി ഫോണ്‍ ചാര്‍ജിനായി 40 രൂപയും അധികൃതര്‍ ഈടാക്കിയിരുന്നു. ഉടനെ വിദേശത്തേക്ക് മടങ്ങേണ്ട അഫ്‌സല്‍ മകളുടെ യാത്ര മുടങ്ങുമോ എന്ന ആശങ്കയിലാണ്.