പാങ്ങ്: 'ഹെല്‍മെറ്റും സീറ്റ് ബെല്‍റ്റും ശീലമാക്കുക ജീവന്‍ വിലപ്പെട്ടതാണ് ' എന്ന സന്ദേശത്തില്‍ ലഘുലേഖ വിതരണം ചെയ്തു ചേണ്ടിയില്‍ പാങ്ങ് ഗവ. ഹയര്‍ സെക്കന്‍ഡറിയിലെ എന്‍.എസ്.എസ് വിദ്യാര്‍ഥികള്‍ ട്രാഫിക് ബോധവല്‍ക്കരണം നടത്തി. ഇതിന്റെ ഭാഗമായി സന്ദേശറാലി, ബോധവല്‍ക്കരണ സദസ് എന്നിവ സംഘടിപ്പിച്ചു. കൊളത്തൂര്‍ എസ്.ഐ വിഷ്ണു ഉദ്ഘാടനം ചെയ്തു. ബ്ലോക്ക് അംഗം ശിഹാബ് പൂഴിത്തറ, പ്രധാനാധ്യാപകന്‍ പ്രിന്‍സ്, വാര്‍ഡ് മെമ്പര്‍ എ.സി കുഞ്ഞയമു, കെ. നാസര്‍ സംസാരിച്ചു. അധ്യാപകരായ ഷിജു, ഡോ. നൗഷാദലി, കെ. അരുണ്‍, അജീഷ് നേതൃത്വം നല്‍കി.