കൊച്ചി: മോഷണ കേസുകളില്‍ ജാമ്യത്തിലിറങ്ങി ഒളിവില്‍ കഴിഞ്ഞിരുന്ന മൂന്ന് പേര്‍ 20 വര്‍ഷത്തിന് ശേഷം പിടിയിലായി.  കോട്ടയം മണിമല എളംതോട്ടം ജയിംസ്(54), തൊടുപുഴ കാരിക്കോട് തുരുത്തിക്കര പ്ലോയി, കാഞ്ഞിരപ്പള്ളി പാറത്തോട് പുത്തന്‍പുരയില്‍ ഷാമോന്‍ എന്നിവരെയാണ് എറണാകുളം സെന്‍ട്രല്‍ പൊലിസ് അറസ്റ്റ് ചെയ്തത്.
1995ല്‍ എറണാകുളം ടി.ഡി റോഡില്‍ ഇംഗ്ലീഷ് മരുന്ന് മൊത്ത വിതരണ കടയില്‍ നിന്നും വിലപിടിപ്പുള്ള മരുന്നുകള്‍ മോഷണം നടത്തിയ കേസില്‍ ജെയിസിനെ അറസ്റ്റ് ചെയ്ത് കോടതിയില്‍ ഹാജരാക്കിയിരുന്നു.
പിന്നീട് ജാമ്യത്തിലിറങ്ങിയ പ്രതി വിദേശത്തേക്ക് കടക്കുകയായിരുന്നു. നാട്ടിലെത്തി വിവിധ സ്ഥലങ്ങളില്‍ ഒളിവില്‍ കഴിയവെ കോട്ടയം മണിമലയില്‍ നിന്നാണ് ഇയാള്‍ പിടിയിലായത്. എറണാകുളത്തെ വിവിധ സ്ഥലങ്ങളില്‍ നിന്നും നാല് കാറുകള്‍ മോഷ്ടിച്ച കേസിലെ പ്രതിയാണ് പ്ലോയി.
ജാമ്യത്തിലിറങ്ങിയ ശേഷം വിവിധ സ്ഥലങ്ങളില്‍ താമസിച്ച് വരികയായിരുന്നു. ഇയാള്‍ക്കെതിരെ തമിഴ്‌നാട്ടിലും കേരളത്തിലെ വിവിധ സ്റ്റേഷനുകളിലും മോഷണക്കേസ് ഉള്ളതായി പൊലിസ് പറഞ്ഞു. തൊടുപുഴയിലെ വാടക വീട്ടില്‍ നിന്നാണ് ഇയാള്‍ പിടിയിലായത്.