തിരൂര്‍: മലയാള സര്‍വകലാശാലയുടെ രണ്ടാമത് ബിരുദദാനസമ്മേളനം ഇന്ന് രാവിലെ 11.30ന് സര്‍വകലാശാല കാംപസില്‍ നടക്കും. പ്രോ ചാന്‍സലര്‍ കൂടിയായ വിദ്യാഭ്യാസ വകുപ്പ് മന്ത്രി പ്രൊഫ. സി. രവീന്ദ്രനാഥ് മുഖ്യാതിഥിയാകും. വൈസ് ചാന്‍സലര്‍ കെ. ജയകുമാര്‍ അധ്യക്ഷനാകും. ഇ.ടി. മുഹമ്മദ് ബഷീര്‍ എം.പി, സി.മമ്മുട്ടി എം.എല്‍.എ പങ്കെടുക്കും. ഭാഷാശാസ്ത്രം, സാഹിത്യപഠനം, സാഹിത്യരചന, സംസ്‌കാരപൈതൃകപഠനം, മാധ്യമപഠനം, പരിസ്ഥിതിപഠനം, തദ്ദേശവികസന പഠനം എന്നീ കോഴ്‌സുകളിലെ ബിരുദാനന്തരബിരുദം ചടങ്ങില്‍ സമ്മാനിക്കും.