മലപ്പുറം:  മമ്പുറം ഖുഥ്ബുസ്സമാന്‍ സയ്യിദ് അലവി മൗലദ്ദവീല അല്‍ ഹുസൈനി തങ്ങളുടെ 178ാമത് ആണ്ടു നേര്‍ച്ചയ്ക്ക് നാളെ  മമ്പുറം മഖാമില്‍ തുടക്കമാകും.
നാളെ വൈകിട്ട് അസര്‍ നിസ്‌കാരാനന്തരം  പാണക്കാട് സയ്യിദ് ഹൈദരലി ശിഹാബ് തങ്ങളുടെ നേതൃത്വത്തില്‍  മഖാമില്‍ കൂട്ടസിയാറത്ത് നടക്കും. തുടര്‍ന്ന് സയ്യിദ് അഹ്മദ് ജിഫ്‌രി തങ്ങള്‍ മമ്പുറം പതാക ഉയര്‍ത്തുന്നതോടെയാണ്  ഒരാഴ്ച നീണ്ടുനില്‍ക്കുന്ന നേര്‍ച്ചക്ക്  തുടക്കമാകുക.
ദാറുല്‍ ഹുദാ മാനേജിങ് കമ്മിറ്റി ഏറ്റെടുത്ത ശേഷമുള്ള 18ാമത് ആണ്ടു നേര്‍ച്ചയാണ് ഇത്തവണ നടക്കുന്നത്. നേര്‍ച്ച ഒന്‍പതിന് സമാപിക്കും.
നേര്‍ച്ചയ്ക്കുള്ള എല്ലാ   ഒരുക്കങ്ങളും പൂര്‍ത്തിയായതായി ദാറുല്‍ ഹുദാ ഇസ്‌ലാമിക് സര്‍വകലാശാല വൈസ് ചാന്‍സലര്‍ ഡോ. ബഹാഉദ്ദീന്‍ മുഹമ്മദ് നദ്‌വി, ഹാജി. യു.മുഹമ്മദ്  ശാഫി, കെ.പി ശംസുദ്ദീന്‍ ഹാജി, സി.കെ മുഹമ്മദ് ഹാജി എന്നിവര്‍ വാര്‍ത്താസമ്മേളനത്തില്‍ അറിയിച്ചു.