തിരുവനന്തപുരം: അടുത്ത വര്‍ഷം കൂടുതല്‍ ഹജ്ജ് സീറ്റുകള്‍ ലഭ്യമാക്കുന്നതിന് ശ്രമിക്കുമെന്നു മന്ത്രി കെ.ടി ജലീല്‍ നിയമസഭയെ അറിയിച്ചു.
കേരളാ ഹജ്ജ് കമ്മിറ്റി മുഖാന്തിരം 10,268 ആളുകളാണ് ഇക്കൊല്ലം ഹജ്ജ് തീര്‍ഥാടനത്തിന് പോയത്. ഇതില്‍ 4858 പുരുഷന്‍മാരും 5410 സ്ത്രീകളും 50 കുട്ടികളും ഉള്‍പ്പെടുന്നു. ജില്ല തിരിച്ചുള്ള കണക്കില്‍ കോഴിക്കോട് നിന്നാണ് ഏറ്റവുമധികം തീര്‍ഥാടകര്‍ -3291.
തിരുവനന്തപുരം-184, കൊല്ലം-215, പത്തനംതിട്ട-38, കോട്ടയം-203, ഇടുക്കി-92, ആലപ്പുഴ-128, എറണാകുളം-766, തൃശൂര്‍-149, പാലക്കാട്-392, മലപ്പുറം-2391, വയനാട്-315, കണ്ണൂര്‍-1216 എന്നിങ്ങനെയാണ് മറ്റുജില്ലകളിലെ കണക്കെന്നും മന്ത്രി അറിയിച്ചു.