വാഷിംഗ്ടണ്‍: മുന്‍ ലോക സുന്ദരിയെ വീണ്ടും അപമാനിച്ച് യുഎസ് പ്രസിഡന്റ് തെരഞ്ഞെടുപ്പിലെ റിപ്പബ്ലിക്കന്‍ സ്ഥാനാര്‍ഥിയായ ഡൊണാള്‍ഡ് ട്രംപ് വീണ്ടും വിവാദത്തില്‍. വെനസ്വേലക്കാരി അലീസിയ മഷാഡോയുടെ ജീവിതവും ലൈംഗിക വീഡിയോകളും അമേരിക്കന്‍ ജനത പരിശോധിക്കണമെന്നും, മഷാഡോയെ അമേരിക്കക്കാരിയാക്കാനാണ് ഹില്ലരി ശ്രമിക്കുന്നതെന്നും ട്വീറ്റ് ചെയ്താണ് ട്രംപ് വീണ്ടും വിവാദത്തിലായിരിക്കുന്നത്.

മുന്‍ ലോക സുന്ദരിയുടെ ജീവിതത്തിലെ കറുത്ത അധ്യായങ്ങളാണ് തന്നെ കൊണ്ട് ഇങ്ങനെ പറയിപ്പിച്ചതെന്നായിരുന്നു ഡൊണാള്‍ഡ് ട്രംപിന്റെ പുതിയ പ്രതികരണം. വെനസ്വേലക്കാരി അലിസിയ മഷാഡൊയുടെ ലൈംഗിക വിഡീയോകളും അച്ചടക്കമില്ലാത്ത ജീവിതവുമാണ് അങ്ങനെ പറയാന്‍ തന്നെ പ്രേരിപ്പിച്ചതെന്നും ട്രംപ് പറഞ്ഞു. ഹില്ലരി ക്ലിന്റണ്‍ വെനസ്വേലക്കാരി അലീസിയയെ അമേരിക്കക്കാരിയാക്കാനാണ് ശ്രമിക്കുന്നതെന്നും ട്രംപ് ആരോപിച്ചു.

Did Crooked Hillary help disgusting (check out sex tape and past) Alicia M become a U.S. citizen so she could use her in the debate?

— Donald J. Trump (@realDonaldTrump) September 30, 2016

അതേസമയം തെരഞ്ഞെടുപ്പില്‍ ട്രംപിന്റെ പരാമര്‍ശം പ്രചാര ണ വിഷയമാക്കിയിരിക്കുകയാണ് എതിര്‍ സ്ഥാനാര്‍ഥി ഹിലരി ക്ലിന്റണ്‍. ട്രംപിന്റെ മനോനില തെറ്റിയെന്നായിരുന്നു ഹില്ലരിയുടെ പ്രതികരണം.

ലോകസുന്ദരിപ്പട്ടം നേടിയശേഷം തടിവെച്ചപ്പോള്‍ പന്നിക്കുട്ടിയെന്നും വീടുനോട്ടക്കാരിയെന്നും വിളിച്ച് ട്രംപ് തന്നെ അപമാനിച്ചതായി അലിസിയ നേരത്തെ പറഞ്ഞിരുന്നു. ട്രംപ് ഒരു സ്ത്രീ വിദ്വേഷിയാണെന്നും ഇത്തരം പ്രസ്താവനകളിലൂടെ യഥാര്‍ഥ പ്രശ്‌നങ്ങളില്‍നിന്നും ശ്രദ്ധ തിരിക്കാനാണ് ട്രംപ് ശ്രമിക്കുന്നതെന്നും അലീഷ്യ ആരോപിച്ചു