നന്തി: ജീവിതവിശുദ്ധി കൊണ്ടും വിദ്യാഭ്യാസ, കാരുണ്യ പ്രവര്‍ത്തനംകൊണ്ടും നിസ്തുല മാതൃകതീര്‍ത്ത ചരിത്ര പുരുഷനായിരുന്നു നന്തിയില്‍ മുഹമ്മദ് മുസ്‌ലിയാരെന്ന് ജാമിഅ ദാറുസ്സലാം പ്രിന്‍സിപ്പല്‍ മൂസക്കുട്ടി ഹസ്‌റത്ത് പറഞ്ഞു.
ജാമിഅ ദാറുസ്സലാം സ്ഥാപകനും സൂഫീവര്യനുമായിരുന്ന നന്തിയില്‍ മുഹമ്മദ് മുസ്‌ലിയാരുടെ 22-ാം ആണ്ടനുസ്മരണവും ദുആ മജ്‌ലിസും ഉദ്ഘാടനം ചെയ്യുകയായിരുന്നു അദ്ദേഹം. മഹത്തുക്കളെ അനുസ്മരിക്കലും മാതൃകയാക്കലും നമ്മുടെ കടമയാണെന്നും അദ്ദേഹം കൂട്ടിച്ചേര്‍ത്തു.
ജാമിഅ ദാറുസ്സലാം വൈസ് പ്രിന്‍സിപ്പല്‍ ഇ.കെ അബൂബക്കര്‍ മുസ്‌ലിയാര്‍ മൊറയൂര്‍ അധ്യക്ഷത വഹിച്ചു. സമസ്ത മുശാവറ അംഗം എ.വി അബ്ദുറഹ്മാന്‍ മുസ്‌ലിയാര്‍, വില്ല്യാപ്പള്ളി ഇബ്‌റാഹീം മുസ്‌ലിയാര്‍, എം.പി തഖിയ്യുദ്ദീന്‍ ഹൈതമി, കെ.ടി അബ്ദുല്‍ ജലീല്‍ ഫൈസി വെളിമുക്ക്, ഐ.ടി അബൂബക്കര്‍ അല്‍ഖാസിമി കരുവാരക്കുണ്ട്, കെ.അബ്ദുല്‍ ഗഫൂര്‍ ഹൈതമി നരിപ്പറ്റ, കെ.വി അബ്ദുഹാജി നന്തി, അബ്ദുല്‍ ഖാദിര്‍ ഖാസിമി മാണിയൂര്‍, മൂരാട് ഖാസി കെ.എം കുഞ്ഞമ്മദ് മുസ്‌ലിയാര്‍, പാലത്തായി മൊയ്തു ഹാജി, അബു ഹാജി രാമനാട്ടുകര, പൂവുള്ളക്കണ്ടി കുഞ്ഞമ്മദ് ഹാജി, മുഹമ്മദ് അന്‍സാരി റഹ്മാനി, മുഹമ്മദ് സഖാഫി മലയമ്മ, അബ്ദുറഹ്മാന്‍ ഫൈസി കുഴിമണ്ണ, സി.കെ ശംസുദ്ദീന്‍ മുസ്‌ലിയാര്‍ പ്രസംഗിച്ചു.