കോഴിക്കോട്: വിഖായ ദിനത്തോടനുബന്ധിച്ച് എസ്.കെ.എസ്.എസ്.എഫ് സംസ്ഥാന കമ്മിറ്റിയുടെ ആഭിമുഖ്യത്തില്‍ ഇന്ന് 170 കേന്ദ്രങ്ങളില്‍ സഹചാരി സെന്ററുകള്‍ പ്രവര്‍ത്തനമാരംഭിക്കും. സഹചാരി സെന്ററിലൂടെ ആതുരസേവന മേഖലയില്‍ വിവിധ പദ്ധതികള്‍ നിര്‍ധന രോഗികള്‍ക്ക് ലഭ്യമാക്കും.
സഹചാരി സെന്ററുകളുടെ സംസ്ഥാനതല ഉദ്ഘാടനം ഇന്നലെ കോഴിക്കോട് പെരുമണ്ണയില്‍ പാണക്കാട് സയ്യിദ് ഹമീദലി ശിഹാബ് തങ്ങള്‍ നിര്‍വഹിച്ചു. സമസ്ത കേന്ദ്ര മുശാവറ അംഗം വാവാട് കുഞ്ഞിക്കോയ മുസ്‌ലിയാര്‍ അധ്യക്ഷത വഹിച്ചു. എസ്.കെ.എസ്.എസ്.എഫ് സംസ്ഥാന ജന.സെക്രട്ടറി സത്താര്‍ പന്തലൂര്‍ മുഖ്യപ്രഭാഷണം നടത്തി. ടി.പി സുബൈര്‍ മാസ്റ്റര്‍, ടി.വി.സി സമദ് ഫൈസി, ആര്‍.വി അബ്ദുസ്സലീം, ജലീല്‍ ഫൈസി അരിമ്പ്ര, ഡോ.അമീറലി, ദിനേശ് പെരുമണ്ണ, ഒ.പി.എം അശ്‌റഫ്, സലാം ഫറൂഖ്, അബ്ദുറഹിമാന്‍ മുസ്‌ലിയാര്‍ വട്ടോളി, ടി.പി അബ്ദുറഹിമാന്‍ മുസ്‌ലിയാര്‍, വി.പി മുഹമ്മദ് മാസ്റ്റര്‍, കുമ്മങ്ങല്‍ മുഹമ്മദ്, നിസാം ഓമശ്ശേരി,ശാജി പുത്തലത്ത്, പി.എം.കെ തങ്ങള്‍, എം.പി അബ്ദുറഹിമാന്‍ ഹാജി, പി.എ അബ്ദുറഹിമാന്‍, ഇ.ടി ഫൈസല്‍ ഹസനി, ശിഹാബ് മണക്കടവ്, സ്വഫ്‌വാന്‍ പ്രസംഗിച്ചു. റശീദ് ഫൈസി വെള്ളായിക്കോട് സ്വാഗതവും പി.പി കുഞ്ഞഹമ്മദ് നന്ദിയും പറഞ്ഞു.