മുംബൈ: സല്‍മാന്‍ ഖാന് പാകിസ്താനോടാണ് പ്രേമമെങ്കില്‍ അങ്ങോട്ടു പോകാമെന്ന് ശിവസേന. പാകിസ്താന്‍ കലാകാരന്‍മാര്‍ ഭീകരരല്ലെന്നും തീവ്രവാദത്തെയും കലയെയും തമ്മില്‍ കൂട്ടിക്കലര്‍ത്തരുതെന്നുമുള്ള സല്‍മാന്റെ പ്രസ്താവനയാണ് ശിവസേനയെ അസഹിഷ്ണുക്കളാക്കിയത്.
പാകിസ്താന്‍ താരങ്ങളെ ഒരുപാട് ഇഷ്ടമാണെങ്കില്‍ സല്‍മാന്‍ അവിടേക്ക് കുടിയേറണമെന്നാണ് ശിവസേന നേതാവ് മനീഷ കയാണ്ടി പറഞ്ഞത്. ഇന്ത്യന്‍ മോഷന്‍ പിക്ച്ചര്‍ പ്രൊഡ്യൂസേര്‍സ് അസോസിയേഷന്‍ പാക് കലാകാരന്മാര്‍ക്ക് വിലക്ക് ഏര്‍പ്പെടുത്തിയതിനെ തുടര്‍ന്നായിരുന്നു സല്‍മാന്‍ അഭിപ്രായപ്രകടനം നടത്തിയത്. അതിനിടെ സല്‍മാന്റെ ചിത്രങ്ങള്‍ക്ക് വിലക്ക് ഏര്‍പ്പെടുത്തുമെന്ന് മഹാരാഷ്ട്ര നവനിര്‍മാണ്‍ സേന നേതാവ് രാജ് താക്ക്‌റേ ഭീഷണി മുഴക്കിയിട്ടുണ്ട്.