അതിര്‍ത്തിയിലെ പൂവുകള്‍
അതിരു നോക്കാതെ വിടരുന്നു.
വെടിയുണ്ടകള്‍ക്കിടയിലൂടെ
വേദനയോടെ ചിരിക്കുന്നു.

കരിഞ്ഞ ഇതളുകളില്‍
സ്വപ്നത്തിന്റെ കലങ്ങിയ കണ്‍മഷി
ചിതറിയ ഇലകള്‍
ചേര്‍ത്തുവയ്ക്കാന്‍
മഞ്ഞുകാറ്റിന്റെ വിരലുകള്‍

എങ്കിലും,
അതിര്‍ത്തിയിലെ പൂവുകള്‍
ആത്മാവില്‍ സ്‌നേഹത്തിന്റെ
മധുരവുമായ് വിടരുന്നു.
രണ്ടു രാജ്യങ്ങളിലേക്കും നോക്കി
ഒരുപോലെ സുഗന്ധം പരത്തുന്നു.
അതിര്‍ത്തിയില്‍ ജനിച്ചവരാണവര്‍
അതിരുകാണാത്ത
വേരുകളുള്ളവര്‍.