ഓമശ്ശേരി: സംഘടനാ പ്രവര്‍ത്തനം ശാഖാതലങ്ങളില്‍ സജീവമാക്കുന്നതിന്റെ ഭാഗമായി എസ്.കെ.എസ്.എസ്.എഫ് ഓമശ്ശേരി മേഖലാ കമ്മിറ്റി ഒക്ടോബര്‍, നവംബര്‍ മാസങ്ങളിലായി സോണല്‍ അദാലത്ത് നടത്താന്‍ തീരുമാനിച്ചു. ഇന്നു നടക്കുന്ന മുറമ്പാത്തി ഇസ്‌ലാമിക് സെന്റര്‍ ഉദ്ഘാടനം വിജയിപ്പിക്കാനും യോഗം തീരുമാനിച്ചു.
മേഖലാ സഹചാരി സെന്റര്‍ സമര്‍പ്പണം ഇസ്‌ലാമിക് സെന്റര്‍ ഉദ്ഘാടന വേദിയില്‍ നടക്കും. അഞ്ച് കിറ്റുകളടങ്ങിയ സഹചാരി സെന്റര്‍ സമര്‍പ്പണം സമസ്ത ട്രഷറര്‍ മുഹമ്മദ് ജിഫ്‌രി മുത്തുക്കോയ തങ്ങള്‍ നിര്‍വഹിക്കും.
യോഗം ഒ.എം ഗഫൂര്‍ മുണ്ടുപാറ ഉദ്ഘാടനം ചെയ്തു. പി.ടി മുഹമ്മദ് അധ്യക്ഷനായി. മുനീര്‍ കൂടത്തായി, നിസാം ഓമശ്ശേരി, ജലീല്‍ ഫൈസി പുറായില്‍, അഷ്‌റഫ് ജാറംകണ്ടി, റഫീഖ് മുണ്ടുപാറ, ഹാരിസ് ഹൈത്തമി തെച്ചിയാട്, സഈദ് ഓമശ്ശേരി സംസാരിച്ചു.