മലപ്പുറം: ഗാന്ധിജയന്തി വാരാഘോഷത്തിന്റെ ജില്ലാതല ഉദ്ഘാടനം ഇന്നു രാവിലെ 10.30നു തിരുന്നാവായ ദേവസ്വം ഹാളില്‍ നടക്കും. ജില്ലാ പഞ്ചായത്ത് പ്രസിഡന്റ് എ.പി  ഉണ്ണികൃഷ്ണന്‍ ഉദ്ഘാടനം നിര്‍വഹിക്കും. തുടര്‍ന്നു 'ഗാന്ധിജിയും ആനുകാലിക  രാഷ്ട്രീയ  സംഭവ വികാസവും' എന്ന വിഷയത്തെക്കുറിച്ചു സെമിനാര്‍ നടത്തും. രാവിലെ  ഒന്‍പതിനു തിരുന്നാവായ ഹൈസ്‌കൂളില്‍ നിന്നു ജനപ്രതിനിധികളും  നാട്ടുകാരും വിദ്യാര്‍ഥികളും ചേര്‍ന്നു വിളംബര ജാഥ നടത്തും. തുടര്‍ന്നു തിരുന്നാവായ  ഗാന്ധി സ്ഥൂപത്തില്‍ ജന പ്രതിനിധികളും സാസ്‌കാരിക പ്രവര്‍ത്തകരും പുഷ്പാര്‍ച്ചന നടത്തും.  ജില്ലാതല  പരിപാടിയോടനുബന്ധിച്ചു നടക്കുന്ന സമ്മേളനത്തിനു മുന്‍ എം.പി. സി. ഹരിദാസ്  തിരുന്നാവായ പഞ്ചായത്ത് പ്രസിഡന്റ് എം.ഫൈസല്‍, വിദ്യാഭ്യാസ ഡെപ്യൂട്ടി ഡയറക്ടര്‍  പി. സഫറുള്ള, നെഹ്‌റു യുവകേന്ദ്ര കോഡിനേറ്റര്‍ കെ. കുഞ്ഞിമുഹമ്മദ് എന്നിവര്‍  പങ്കെടുക്കും.