നിലമ്പൂര്‍: കേന്ദ്ര-സംസ്ഥാന സര്‍ക്കാരുകളുടെ ജനവിരുദ്ധ നയങ്ങളില്‍ പ്രതിഷേധിച്ച് യു.ഡി.എഫ് നിലമ്പൂര്‍ മണ്ഡലം കമ്മിറ്റിയുടെ നേതൃത്വത്തില്‍ നിലമ്പൂരില്‍ സായാഹ്ന ധര്‍ണ നടത്തി. കെ.പി.സി.സി. സെക്രട്ടറി വി.എ കരീം ധര്‍ണ ഉദ്ഘാടനം ചെയ്തു. മണ്ഡലം യു.ഡി.എഫ് ചെയര്‍മാന്‍ ഇസ്മാഈല്‍ മൂത്തേടം അധ്യക്ഷനായി.
ആര്യാടന്‍ ഷൗക്കത്ത്, ഐ.എന്‍.ടി.യു.സി സംസ്ഥാന സെക്രട്ടറി കല്ലായി മുഹമ്മദാലി, യു.ഡി.എഫ് മണ്ഡലം കണ്‍വീനര്‍ എന്‍.എ കരീം, എം.എ റസാഖ്, കെ.ടി കുഞ്ഞാന്‍, ഇഖ്ബാല്‍ മുണ്ടേരി, എ. ഗോപിനാഥ്, പാനായി ജേക്കബ്, ജില്ലാ പഞ്ചായത്തംഗം ഒ.ടി. ജെയിംസ്, അമരമ്പലം പഞ്ചായത്ത് പ്രസിഡന്റ് സി. സുജാത, നഗരസഭ വൈസ് ചെയര്‍മാന്‍ പി.വി ഹംസ, ഷാജഹാന്‍ പായമ്പാടം സംസാരിച്ചു.
വണ്ടൂര്‍: മണ്ഡലം യു.ഡി.എഫ് നടത്തിയ ധര്‍ണ മുസ്‌ലിം ലീഗ് സംസ്ഥാന പ്രവര്‍ത്തക സമിതി അംഗം വണ്ടൂര്‍ കെ.ഹൈദരലി ഉദ്ഘാടനം ചെയ്തു. മണ്ഡലം മുസ്‌ലിം ലീഗ് പ്രസിഡന്റ് കളത്തില്‍ കുഞ്ഞാപ്പു ഹാജി അധ്യക്ഷനായി. കാളികാവ് ബ്ലോക്ക് പ്രസിഡന്റ് പി.ഖാലിദ് മാസ്റ്റര്‍, ഡി.സി.സി വൈസ് പ്രസിഡന്റ് കെ.സി കുഞ്ഞുമുഹമ്മദ്, സെക്രട്ടറി എന്‍.എ മുബാറക്ക്, ടി.പി ഗോപാലകൃഷ്ണന്‍, എ.കെ മുഹമ്മദാലി, എം.കെ മുസ്തഫ അബ്ദുല്‍ ലത്തീഫ്, കെ.ടി അജ്മല്‍, ജോജി കെ അലക്‌സ്, ഷൈജല്‍ എടപ്പറ്റ പ്രസംഗിച്ചു.