ഷൊര്‍ണൂര്‍: ഓടിക്കൊണ്ടിരുന്ന ബൈക്കിനു മുന്നിലേക്ക് തെരുവുനായ കുരച്ചു ചാടിയപ്പോള്‍ ബൈക്കില്‍ യാത്ര ചെയ്തിരുന്ന കൗണ്‍സിലര്‍ വീണു പരുക്കേറ്റു. നഗരസഭ കൗണ്‍സിലര്‍ കെ.എന്‍. അനില്‍കുമാറിനാണ് ബൈക്കില്‍നിന്ന ്‌വീണു പരുക്കേറ്റത്.
പരുക്കേറ്റ അനില്‍കുമാറിനെ പെരിന്തല്‍മണ്ണയിലെ സ്വകാര്യ ആശുപത്രിയില്‍ പ്രവേശിപ്പിച്ചിരിക്കുകയാണ്. കൗണ്‍സിലറുടെ വാര്‍ഡിലെ ഒരു വോട്ടര്‍ അസുഖം സംബന്ധിച്ച് ഒറ്റപ്പാലം സ്വകാര്യ ആശുപത്രിയില്‍ ചികിത്സയിലാണ്. ഇവരെ സന്ദര്‍ശിച്ച് ബൈക്കില്‍ ഷൊര്‍ണൂരിലേക്ക് മടങ്ങവേ വാണിയംകുളത്താണ് നായ ബൈക്കിന് മുന്നിലേക്ക് ചാടിയത്.