കൂറ്റനാട്: മേഴത്തൂര്‍ ഗവ. ഹയര്‍ സെക്കന്‍ഡറി സ്‌കൂളിലെ എന്‍.എസ്.എസ്.യൂനിറ്റിന്റെ നേതൃത്വത്തില്‍ മേഴത്തൂര്‍ കിഴക്കെ കോടനാട് പാടശേഖരത്തിലെ ഒന്നരയേക്കറോളം സ്ഥലത്ത് വിദ്യാര്‍ഥികള്‍ നെല്‍കൃഷി തുടങ്ങി.
നടീല്‍ ഉത്സവം തൃത്താല പഞ്ചായത്ത് പ്രസിഡന്റ് എ. കൃഷ്ണകുമാര്‍ ഉദ്ഘാടനം ചെയ്തു.
കഴിഞ്ഞ വര്‍ഷം മേഴത്തൂര്‍ സ്‌കൂളിലെ എന്‍.എസ്.എസ്. യൂണിറ്റ്‌നടത്തിയ നെല്‍കൃഷിക്ക് നല്ല വിളവ് ലഭിച്ചിരുന്നു. ഇതാണ് ഇത്തവണയും കൃഷിയിറക്കാന്‍ വിദ്യാര്‍ഥികള്‍ക്കു പ്രചോദനമായത്. പൊന്‍മണിവിത്താണ് ഉപയോഗിച്ചിരിക്കുന്നത്.
സ്‌കൂള്‍ എന്‍.എസ്.എസ്, പി.ടി.എ അംഗങ്ങള്‍, തൊഴിലുറപ്പ് തൊഴിലാളികള്‍, കൃഷിക്കാരനായ കുഞ്ഞാപ്പുക്കുട്ടി വിദ്യാര്‍ഥികള്‍ക്കൊപ്പമുണ്ട്.
പി.ടി.എ പ്രസിഡന്റ് അച്ചുതന്‍, സ്‌കൂള്‍ പ്രിന്‍സിപ്പല്‍ ബാലകൃഷണന്‍, ബ്ലേക്ക് പഞ്ചായത്ത് അംഗം ബിന്ദു, ജിനി, അധ്യാപകരായ ജയധേവന്‍, രാജേഷ്, സമീര്‍, ഉണ്ണി നേതൃത്വം നല്‍കി.