ചാലക്കുടി: സൗത്ത് ജങ്ഷനിലെ കനാല്‍ പുറമ്പോക്കില്‍ താമസിക്കുന്ന മുപ്പത്തിയഞ്ച് കുടുംബങ്ങളെ പുനരധിവസിപ്പിക്കുവാന്‍ ചാലക്കുടി നഗരസഭ കൗണ്‍സില്‍ യോഗം തീരുമാനിച്ചു. വിവിധ സംഘടനകള്‍, സ്വകാര്യ വ്യക്തികള്‍ എന്നിവരുടെ സഹകരണത്തോടെയാണ് പദ്ധതി നടപ്പാക്കുക.
മേലൂര്‍ വെട്ടുകടവ് പാലത്തെ പ്രയോജനപ്പെടുത്തി ഗതാഗതം വിപുലീകരിക്കുന്നതിന് വെട്ടുകടവ് കനാല്‍ പുറമ്പോക്കിലുള്ള നാലു കുടുംബങ്ങളേയും മാറ്റും.
ഇവര്‍ക്ക് നഗരസഭ പരിധിയില്‍ വിവിധ സ്ഥലത്താണ് വീടുകള്‍ നല്‍കുക.
മാര്‍ക്കറ്റ് കെട്ടിടങ്ങളിലെ കട മുറികള്‍ കൈമാറ്റം ചെയ്യുന്ന അപേക്ഷകള്‍ സ്വീകരിക്കുന്ന തിയതി നവംബര്‍ 30 വരെ നീട്ടാനും തീരുമാനമായി. ചെയര്‍പേഴ്‌സണ്‍ ഉഷാ പരമേശ്വരന്‍ അധ്യക്ഷയായി.