ആലുവ: എസ്.കെ.എസ്.എസ്.എഫ് ആലുവ മേഖല സഹചാരി സെന്റര്‍ എടത്തല പഞ്ചായത്തിലെ കുഞ്ചാട്ടുകരയില്‍ ഇന്ന് വൈകിട്ട് അഞ്ചിന് സമസ്ത കേന്ദ്ര മുശാവറ അംഗം എം.എം. മുഹിയുദ്ധീന്‍ മൗലവി ഉദ്ഘാടനം ചെയ്യും.
തുടര്‍ന്ന് ആലുവ മേഖല പ്രസിഡന്റ് ഉസ്മാന്‍ ഫൈസിയുടെ അദ്ധ്യക്ഷതയില്‍ നടക്കുന്ന പൊതുസമ്മേളനം അന്‍വര്‍ സാദത്ത് എം.എല്‍.എ. ഉദ്ഘാടനം ചെയ്യും.  എസ്.വൈ.എസ് സംസ്ഥാന സെക്രട്ടറി അബ്ദുസമദ് പൂക്കോട്ടൂര്‍ മുഖ്യപ്രഭാഷണം നടത്തും.
മികച്ച അദ്ധ്യാപകനുള്ള സംസ്ഥാന അവാര്‍ഡ് കരസ്ഥമാക്കിയ കെ.ആര്‍. പവിത്രന്‍ മാഷിനെ സമസ്ത കേന്ദ്ര മുശാവറ അംഗം ഇ.എസ് ഹസന്‍ ഫൈസി അനുമോദിക്കും. സഹചാരി കണ്‍വീനര്‍ അബ്ദുള്‍ മാലിക് സ്വാഗതവും സിദ്ദീഖ് കുഴിവേലിപ്പടി നന്ദിയും പറയും.
ആരോഗ്യ, സാംസ്‌കാരിക മേഖലകളില്‍ കൂടുതല്‍ ശ്രദ്ധ കേന്ദ്രീകരിക്കുന്നതിനായി സംസ്ഥാന കമ്മിറ്റിയുടെ ആഹ്വാന പ്രകാരം നൂറ്റി അന്‍പതോളം പ്രദേശങ്ങളിളാണ് എസ്.കെ.എസ്.എസ്.എഫ് സഹചാരി സെന്റര്‍ ആരംഭിക്കുന്നത്.