അഹമ്മദാബാദ്: ഗുജറാത്ത് തീരത്ത് സംശയകരമായ സാഹചര്യത്തില്‍ കണ്ട പാക്‌ബോട്ട് ഇന്ത്യന്‍ തീരസംരക്ഷണ സേന പിടികൂടി. ഇന്ന് രാവിലെയോടെയാണ് ഇവെര ഗുജറാത്ത് തീരത്ത് കണ്ടത്.

ബോട്ടിലുണ്ടായിരുന്ന ഒമ്പത് പേരെയും തീരസംരക്ഷണ സേന കസ്റ്റഡിയിലെടുത്തു. ഇന്ത്യന്‍ സമുദ്രാതിര്‍ത്തി ലംഘിച്ചെന്നാരോപിച്ചാണ് നടപടി. ബോട്ടിലുണ്ടായിരുന്നവരെ ചോദ്യം ചെയ്തുവരികയാണ്. മത്സ്യബന്ധനത്തിനായി എത്തിയപ്പോള്‍ അറിയാതെ സമുദ്രാതിര്‍ത്തി ലംഘിച്ചുവെന്നാണ് പിടിയിലായവര്‍ പറയുന്നത്.

ഉറി ഭീകരാക്രമത്തിന് ഇന്ത്യ തിരിച്ചടി നല്‍കിയതിന് ശേഷം അതിര്‍ത്തി സംസ്ഥാനങ്ങളില്‍ കനത്ത ജാഗ്രതാ നിര്‍ദ്ദേശം നല്‍കിയിരുന്നു.