പൊഴുതന: പ്രബോധന മേഖലയില്‍ പുതിയ വാതായനങ്ങള്‍ തുറന്ന് ജില്ലാ ഇബാദ് ക്യാംപ് പൊഴുതന റഷാ ഓഡിറ്റോറിയത്തില്‍ സംഘടിപ്പിച്ചു. ഹൃദയ വിശുദ്ധിയിലൂടെ നാഥനിലേക്ക് എന്ന പ്രമേയത്തില്‍ നടത്തിയ പരിശീലന ക്യാംപില്‍ ജില്ലയുടെ വിവിധ മേഖലകളില്‍ നിന്നും തെരഞ്ഞെടുക്കപ്പെട്ട ഇരുനൂറോളം പ്രതിനിധികള്‍ പങ്കെടുത്തു.
ദഅ്‌വത്തിന്റെ സാധ്യതകളും നാളെയുടെ ജീവിത വിശുദ്ധിയും ഉത്തരവാദിത്വവും ഗഹനമായി ചര്‍ച്ച ചെയ്ത് ക്യാംപ് പ്രതിനിധികള്‍ക്ക് വലിയ ആത്മീയ ആവേശം പകര്‍ന്നു. പൊഴുതന മഹല്ല് പ്രസിഡന്റ് യു. കുഞ്ഞുമുഹമ്മദ് പതാക ഉയര്‍ത്തി.
ശിഹാബുദ്ദീന്‍ ഇമ്പിച്ചിക്കോയ തങ്ങള്‍ ഉദ്ഘാടനം ചെയ്തു. ജില്ലാ പ്രസിഡന്റ് ശൗകത്തലി മൗലവി വെള്ളമുണ്ട അധ്യക്ഷനായി. കല്‍പ്പറ്റ ബ്ലോക്ക് പഞ്ചായത്ത് വൈസ് പ്രസിഡന്റ് കെ.കെ ഹനീഫ, പൊഴുതന പഞ്ചായത്ത് ലീഗ് പ്രസിഡന്റ് നാസര്‍ കാതിരി, അബൂബക്കര്‍ റഹ്മാനി സംസാരിച്ചു.
ഇബാദ് സ്റ്റേറ്റ് ഓര്‍ഗനൈസര്‍ ശരീഫ് പൊന്നാനി, ഡോ. സാലീം ഫൈസി കൊളത്തൂര്‍, ആസിഫ് ദാരിമി പുളിക്കല്‍, റഫീഖ് ചെന്നൈ, മുഹമ്മദ് കുട്ടി ഹസനി ക്യാംപിന് നേതൃത്വം നല്‍കി. അയ്യൂബ് മാസ്റ്റര്‍, നൗഫല്‍ വാകേരി, അലി യമാനി, നവാസ് ദാരിമി, അബ്ദുല്‍ ലത്തീഫ് വാഫി, മൊയ്തുട്ടി യമാനി, മുസ്തഫ വെണ്ണിയോട്, സുഹൈല്‍ വാഫി, ഷറഫുദ്ദീന്‍ നിസാമി, സാജിദ് മൗലവി സംസാരിച്ചു.