പനമരം: ജില്ലയിലെ ക്യാമ്പസുകളില്‍ എം.എസ്.എഫ് പ്രവര്‍ത്തകര്‍ക്ക് നേരെ സി.പി.എം, ഡി.വൈ.എഫ്.ഐ പ്രവര്‍ത്തകര്‍ നിരന്തരം ആക്രമണം നടത്തിക്കൊണ്ടിരിക്കുകയാണെന്ന് എം.എസ്.എഫ് ജില്ലാ സെക്രട്ടറിയേറ്റ് ആരോപിച്ചു. കഴിഞ്ഞ ദിവസം പനമരത്ത് നടന്ന ആക്രമണത്തില്‍ എം.എസ്.എഫ് മണ്ഡലം സെക്രട്ടറി ഉള്‍പ്പടെയുള്ളവര്‍ക്ക് പരുക്കേറ്റിരുന്നു. സ്വാശ്രയ  വിഷയം ഉള്‍പ്പടെ ഭരണതലത്തിലെ പ്രശ്‌നങ്ങള്‍ എസ്.എഫ്.ഐക്ക് കോളജ് യൂണിയന്‍ തെരഞ്ഞെടുപ്പില്‍ തിരിച്ചടിയാകുമെന്ന ഭയം കാരണമാണ് ഇവര്‍ ഇത്തരം ആക്രമണം നടത്തുന്നതെന്നും സെക്രട്ടേറിയറ്റ് കുറ്റപ്പെടുത്തി. യോഗത്തില്‍ പ്രസിഡന്റ് ലുഖ്മാനുല്‍ ഹക്കീം വി.പി.സി അധ്യക്ഷനായി. ജനറല്‍ സെക്രട്ടറി റിയാസ് കല്ലുവയല്‍, ട്രഷറര്‍ അസീസ് വെള്ളമുണ്ട, അര്‍ഷാദ് പനമരം, ജലീല്‍ ഇ.പി, അസറുദ്ദീന്‍ കല്ലായ് സംസാരിച്ചു.