ഗൂഡല്ലൂര്‍: നെല്ലിയാളം നഗരസഭയില്‍ നാല് സ്വതന്ത്ര സ്ഥാനാര്‍ഥികള്‍ നാമനിര്‍ദേശ പത്രിക സമര്‍പ്പിച്ചു. ഒന്നാം വാര്‍ഡില്‍ വി. ശാന്തി, ശശികല, ആറാം വാര്‍ഡില്‍ മഞ്ജുളദേവി, പതിനാറാം വാര്‍ഡില്‍ കൂത്തായി, ഇരുപതാം വാര്‍ഡില്‍ മല്ലിക തുടങ്ങിയ സ്വതന്ത്ര സ്ഥാനാര്‍ഥികളാണ് പത്രിക സമര്‍പ്പിച്ചത്. ഗൂഡല്ലൂര്‍ പഞ്ചായത്ത് യൂനിയന്‍ പതിമൂന്നാം വാര്‍ഡില്‍ എ.ഐ.എ.ഡി.എം.കെ സ്ഥാനാര്‍ഥിയായി സുരേഷ്, പതിനാലാം വാര്‍ഡ് സ്ഥാനാര്‍ഥിയായി എ.ഐ.എ.ഡി.എം.കെയിലെ കെ. രാജു, സ്വതന്ത്ര സ്ഥാനാര്‍ഥി കെ. ചന്ദ്രന്‍ എന്നിവരും പത്രിക സമര്‍പ്പിച്ചു. പതിനഞ്ചാം വാര്‍ഡില്‍ നസീര്‍, പതിനേഴാം വാര്‍ഡില്‍ വിഷ്ണു, എ. സിദ്ധന്‍, ബി. രാജന്‍, ഏഴാം വാര്‍ഡില്‍ സതീഷ് എന്നിവരും സ്വതന്ത്ര സ്ഥാനാര്‍ഥികളായി പത്രിക സമര്‍പ്പിച്ചിട്ടുണ്ട്. ദേവര്‍ഷോല പഞ്ചായത്തില്‍ ഇതുവരെ 21 പേര്‍ പത്രിക സമര്‍പ്പിച്ചിട്ടുണ്ട്. നെല്ലാക്കോട്ട ഗ്രാമപഞ്ചായത്ത് നാലാം വാര്‍ഡില്‍ ശോഭ സ്വതന്ത്ര സ്ഥാനാര്‍ഥിയായി പത്രിക സമര്‍പ്പിച്ചിട്ടുണ്ട്.